హైదరాబాద్‌-ముంబై మధ్య ప్రతిపాదిత హైస్పీడ్‌ రైలు ప్రాజెక్టుకు సంబంధించి మార్గం రూపుదిద్దుకుంటోంది. హైదరాబాద్‌ నగర పరిధిలో ఔటర్‌ రింగ్‌ రోడ్డు (ORR) సమీపం నుంచి హైస్పీడ్‌ రైలు మార్గాన్ని ఏర్పాటు చేసే అంశాన్ని అధికారులు పరిశీలిస్తున్నారు. హైదరాబాద్‌ నుంచి ముంబై వరకు వేగవంతమైన రైలు కనెక్టివిటీని అందించడమే ఈ ప్రాజెక్టు లక్ష్యం. మార్గం ఎంపికలో ప్రయాణికుల రాకపోకలు, భవిష్యత్‌ నగర విస్తరణ, మౌలిక వసతులను పరిగణనలోకి తీసుకుంటున్నారు. ప్రాజెక్టు పూర్తయితే హైదరాబాద్‌-ముంబై మధ్య ప్రయాణ సమయం తగ్గడంతోపాటు రెండు నగరాల మధ్య రవాణా సౌకర్యాలు మరింత మెరుగుపడే అవకాశం ఉంది. హైస్పీడ్‌ రైలు మార్గం చుట్టుపక్కల ప్రాంతాల్లో మౌలిక వసతులు, రియల్‌ ఎస్టేట్‌ అభివృద్ధికి కూడా ఊతం లభించే అవకాశం ఉంది.
