తాజా వార్తలు
-
తెలంగాణకు కేంద్ర అనుమతులు.. హైవేలు, వంతెనలు, రోప్‌వేలపై కీలక ముందడుగు
తెలంగాణలో రవాణా మౌలిక వసతుల విస్తరణకు కేంద్రం నుంచి పలు అనుమతులు లభించాయి. హైదరాబాద్‌ ఎల్‌బీనగర్‌–హయత్‌నగర్‌ మధ్య 6 కి.మీ డబుల్‌ డెక్కర్‌ ఎలివేటెడ్‌ కారిడార్‌, కృష్ణా నదిపై NH-167K కేబుల్‌ బ్రిడ్జి ప్రతిపాదనకు ఆమోదం లభించింది. హైదరాబాద్‌–శ్రీశైలం మార్గంలోని NH-765కు సవరించిన DPR సిద్ధం చేయాలని కేంద్రం సూచించింది. పర‍్వతమాల పథకం కింద ఐదు రోప్‌వేలకు, సేతు బంధన్‌లో మూడు రైల్వే ఓవర్‌బ్రిడ్జ్‌లకు కూడా అనుమతులు వచ్చాయి. కొత్త రహదారి కనెక్టివిటీ అభివృద్ధి చెందే ప్రాంతాల్లో రియల్ ఎస్టేట్‌ కార్యకలాపాలకు కూడా మౌలిక వసతులు కీలకంగా మారవచ్చు.
-
హైదరాబాద్‌లో ఇల్లు కొంటున్నారా? సగటు విలువ రూ.2.03 కోట్లకు చేరిక!
హైదరాబాద్‌ హౌసింగ్ మార్కెట్‌లో అమ్మకాల కంటే ఇంటి విలువ పెరుగుతున్న ధోరణి కనిపిస్తోంది. ఈ ఏడాది తొలి ఆరు నెలల్లో 26,068 ఇళ్లు అమ్ముడవగా, మొత్తం విక్రయ విలువ రూ.52,913 కోట్లకు చేరింది. దీంతో సగటు ఇంటి విలువ రూ.2.03 కోట్లుగా నమోదైంది. ఇదే సమయంలో కొత్తగా 49,656 ఇళ్లు మార్కెట్‌లోకి వచ్చాయి. నార్త్‌వెస్ట్ హైదరాబాద్‌ 73% విక్రయ విలువతో ఆధిపత్యంలో ఉండగా, సౌత్‌వెస్ట్ వాటా నాలుగేళ్లలో 10% నుంచి 17%కి పెరిగింది. రాబోయే ఐదేళ్లలో కార్యాలయ స్థలాల విస్తరణ ఉద్యోగాలు, నివాస డిమాండ్‌ను పెంచే అవకాశం ఉంది.
-
హైదరాబాద్‌ విల్లా మార్కెట్‌లో మారుతున్న ప్రాధాన్యతలు.. ‘ప్రైవసీ’కే పెద్దపీట!
హైదరాబాద్‌లో లగ్జరీ విల్లా కొనుగోలుదారుల ప్రాధాన్యతల్లో కొత్త మార్పు కనిపిస్తోంది. కొన్ని ప్రీమియం ప్రాజెక్టుల్లో రాజకీయ నాయకులు నివసిస్తున్నారా? అనే ప్రశ్నలను కొనుగోలుదారులు అడుగుతున్నట్లు రియల్టర్ సతీష్ రెడ్డి సోషల్ మీడియా పోస్ట్‌లో వెల్లడించారు. రాజకీయ నాయకుల ఇళ్ల వద్ద సందర్శకులు, కార్యకర్తల రాకపోకలు, బ్యానర్లు, పోస్టర్లతో ప్రశాంతతకు భంగం కలుగుతుందనే ఆందోళన దీనికి కారణంగా పేర్కొన్నారు. ఫైనాన్షియల్ డిస్ట్రిక్ట్‌లోని కమ్యూనిటీ నుంచి గండిపేట విల్లా ప్రాజెక్టుకు మారిన ఉదాహరణను కూడా ఆయన ప్రస్తావించారు. రియల్ ఎస్టేట్‌లో ప్రీమియం కొనుగోలుదారులు ఇప్పుడు సౌకర్యాలతో పాటు ప్రైవసీ, ప్రశాంతత, పరిసరాల పరిస్థితులను కూడా పరిశీలిస్తున్నారన్నది ఈ పరిణామం సూచిస్తోంది.
-
RRR ఉత్తర భాగంపై కేంద్రం అభ్యంతరం.. అలైన్‌మెంట్‌పై కీలక సందిగ్ధత
తెలంగాణ రీజినల్‌ రింగ్‌ రోడ్ (RRR) ఉత్తర భాగానికి కేంద్ర అనుమతులు ఇంకా లభించకపోవడంతో ప్రాజెక్టు ముందడుగు ప్రశ్నార్థకంగా మారింది. రాష్ట్ర ప్రభుత్వం 2024 డిసెంబర్‌, 2025 నవంబర్‌, 2026 మేలో మూడు సార్లు టెండర్లు పిలిచినా తుది ఆమోదం రాలేదు. అలైన్‌మెంట్‌ ఖరారైన సమయంలో భారీగా భూముల కొనుగోళ్లు జరిగాయంటూ ఫిర్యాదులు వచ్చినట్లు కేంద్రం తెలిపినట్లు సమాచారం. రాష్ట్రం ప్రకారం 90% భూసేకరణ పూర్తయింది. ప్రస్తుత అలైన్‌మెంట్‌తో ప్రాజెక్టుకు ఆమోదం కష్టమైతే మార్పులపై నిర్ణయం రావాల్సి ఉంటుంది. అలైన్‌మెంట్‌ చుట్టూ అనిశ్చితి కొనసాగితే సంబంధిత ప్రాంతాల్లో భూముల అభివృద్ధి, పెట్టుబడి నిర్ణయాలపై కూడా ప్రభావం ఉండొచ్చు.
-
వినుకొండ–గుంటూరు హైవేకు రూ.3,476 కోట్ల డీపీఆర్ సిద్ధం
ఆంధ్రప్రదేశ్‌లో ఎన్‌హెచ్-544డీ విస్తరణకు కీలక ముందడుగు పడింది. వినుకొండ–గుంటూరు మధ్య 85.9 కి.మీ రహదారిని నాలుగు లైన్లుగా అభివృద్ధి చేసేందుకు రూ.3,476 కోట్లతో డీపీఆర్ సిద్ధమైంది. ఇందులో 41.28 కి.మీ గ్రీన్‌ఫీల్డ్ హైవే కాగా, 44.62 కి.మీ ప్రస్తుత రోడ్డును విస్తరిస్తారు. వినుకొండ, శావల్యాపురం సహా ఆరు ప్రాంతాల్లో బైపాస్‌లు ప్రతిపాదించారు. డీపీఆర్‌ను కేంద్ర పీపీపీఏసీ ఆమోదానికి పంపారు. కేబినెట్ ఆమోదం తర్వాత భూసేకరణ, నిర్మాణ పనులు ముందుకు వెళ్లనున్నాయి. ప్రాజెక్టు పూర్తయితే గుంటూరు–అమరావతి వైపు రాకపోకలు మెరుగుపడటంతో పాటు మార్గంలోని ప్రాంతాల్లో భూమి, వాణిజ్య కార్యకలాపాలపై ఆసక్తి పెరిగే అవకాశం ఉంది.
-
నిజామాబాద్‌లో ప్రభుత్వ భూమి వివాదం.. 22A జాబితాలో ఉన్నా రిజిస్ట్రేషన్?
నిజామాబాద్ జిల్లాలో ప్రభుత్వ భూమికి సంబంధించిన వ్యవహారం చర్చనీయాంశంగా మారింది. 22A నిషేధిత భూముల జాబితాలో ఉన్న సుమారు 6,666 గుంటల భూమికి రిజిస్ట్రేషన్ జరిగినట్లు ఆరోపణలు వచ్చాయి. దీని విలువ సుమారు రూ.6 కోట్లకు పైగా ఉంటుందని సమాచారం. అర్బన్ సబ్‌ రిజిస్ట్రార్ కార్యాలయంలో ఈ భూమికి సంబంధించిన రిజిస్ట్రేషన్లు జరిగినట్లు కథనం పేర్కొంది. సర్వే నంబర్ 249/1 పరిధిలోని భూమికి సంబంధించిన పత్రాల్లో అవకతవకలు ఉన్నట్లు ఆరోపణలు ఉన్నాయి. నకిలీ పత్రాల ఆధారంగా రిజిస్ట్రేషన్లు జరిగాయా అనే అంశంపై అనుమానాలు వ్యక్తమవుతున్నాయి. ఈ వ్యవహారంపై అధికారులు సమగ్ర విచారణ చేపట్టి, ప్రభుత్వ భూమిని పరిరక్షించాలని స్థానికులు కోరుతున్నారు. అధికారిక దర్యాప్తులో వాస్తవాలు వెలుగులోకి రావాల్సి ఉంది.
-
హైదరాబాద్‌లో రూ.50 కోట్లతో ఫాబియెనెస్ కొత్త ఫర్నిచర్ ప్లాంట్
ప్రీమియం ఫర్నిచర్ బ్రాండ్ ఫాబియెనెస్ (Fabieness) హైదరాబాద్‌లో కొత్త తయారీ ప్లాంట్ ఏర్పాటుకు రూ.50 కోట్ల పెట్టుబడి పెట్టనున్నట్లు ప్రకటించింది. నగరంలో సుమారు 1.5 లక్షల చదరపు అడుగుల విస్తీర్ణంలో ఈ ఆధునిక ప్లాంట్‌ను ఏర్పాటు చేయనున్నారు. కంపెనీ ఎండీ రాజ్ వేణుగోపాల్ వివరాల ప్రకారం.. వచ్చే ఏడాది కల్లా ప్లాంట్ అందుబాటులోకి రానుంది. దీని ద్వారా సుమారు 100 మందికి ప్రత్యక్షంగా ఉద్యోగ అవకాశాలు లభించనున్నాయి. కటింగ్‌-ఎడ్జ్ టెక్నాలజీ, అడ్వాన్స్‌డ్ ఇంటీరియర్ డిజైన్, జర్మన్ మెషినరీతో ఫర్నిచర్ ఉత్పత్తి చేపట్టనున్నారు. ఇప్పటికే హైదరాబాద్‌లో రూ.80 కోట్ల పెట్టుబడితో మరో ప్లాంట్ ఏర్పాటు చేసిన కంపెనీ, రోజుకు 3,500కు పైగా రెసిడెన్షియల్, కమర్షియల్, హాస్పిటాలిటీ రంగాల ప్రాజెక్టులకు ఫర్నిచర్ సొల్యూషన్స్ అందిస్తోంది.
-
ఖాళీ స్థలాలపై కబ్జాదారుల కన్ను.. నకిలీ రికార్డులతో మోసాలు
నగరంలో పర్యవేక్షణ లేని ఖాళీ స్థలాలు కబ్జాదారులకు లక్ష్యంగా మారుతున్నాయి. యజమానులు అందుబాటులో లేని భూములను గుర్తించి నకిలీ పత్రాలు, రికార్డులు సృష్టించి విక్రయాలకు ప్రయత్నిస్తున్న ఘటనలు వెలుగుచూస్తున్నాయి. ముఖ్యంగా నగర శివారు ప్రాంతాల్లో ఖాళీ స్థలాలపై అక్రమంగా హక్కులు చూపిస్తూ మోసాలకు పాల్పడుతున్నట్లు అధికారులు గుర్తించారు. కొందరు వ్యక్తులు నకిలీ డాక్యుమెంట్లు తయారు చేసి భూములను ఇతరులకు విక్రయిస్తున్నట్లు సమాచారం. దీంతో భూమి యజమానులు తమ స్థలాల పత్రాలు, రికార్డులను క్రమం తప్పకుండా పరిశీలించుకోవాలని అధికారులు సూచిస్తున్నారు. అనుమానాస్పద లావాదేవీలు కనిపిస్తే వెంటనే సంబంధిత అధికారులకు ఫిర్యాదు చేయాలని సూచించారు.
-
హైదరాబాద్‌లో ఇల్లు అమ్ముతానని నమ్మించి రూ.60 లక్షల మోసం
ఇల్లు అమ్ముతానని నమ్మించి తండ్రి, కుమార్తె నుంచి రూ.60 లక్షలు తీసుకుని మోసం చేసిన ఘటన హైదరాబాద్‌లో వెలుగుచూసింది. ఈ ఘటనపై జూబ్లీహిల్స్ పోలీసులు కేసు నమోదు చేశారు. జూబ్లీహిల్స్ రోడ్ నంబర్ 10 సమీపంలో నివసించే ఓ కుటుంబానికి చెందిన వ్యక్తికి, యూసఫ్‌గూడ ప్రాంతంలోని ఇల్లు విక్రయిస్తానని నిందితుడు హామీ ఇచ్చినట్లు పోలీసులు తెలిపారు. దీంతో 2022 అక్టోబర్‌ నుంచి 2023 జనవరి మధ్య మూడు విడతల్లో రూ.60 లక్షలు చెల్లించారు. అనంతరం ఇంటి హక్కులకు సంబంధించిన సమస్యలు ఉన్నట్లు తెలుసుకున్న బాధితులు ఒప్పందాన్ని రద్దు చేసి డబ్బు తిరిగి ఇవ్వాలని కోరారు. అయితే నిందితుడు డబ్బు చెల్లించకుండా కాలయాపన చేయడంతో బాధితులు జూబ్లీహిల్స్ పోలీసులను ఆశ్రయించారు. కేసు నమోదు చేసిన పోలీసులు దర్యాప్తు చేస్తున్నారు
-
పూడికతీత
ఫతేనగర్–బాలానగర్ పారిశ్రామిక ప్రాంతాల్లో వరద ముప్పును తగ్గించేందుకు హైడ్రా భారీ స్థాయిలో నాలా పూడికతీత పనులు చేపట్టింది. దీన్‌దయాల్‌నగర్‌ నుంచి సుమారు 3 కిలోమీటర్ల మేర కొనసాగుతున్న పనుల్లో ఏళ్లుగా పేరుకుపోయిన పూడిక, వ్యర్థాలను ఎక్సకవేటర్లతో తొలగిస్తున్నారు. కొన్ని ప్రాంతాల్లో 6–7 అడుగుల మేర పూడిక పేరుకుపోయినట్లు అధికారులు గుర్తించారు. పూడికతో పాటు నాలా ఆక్రమణల కారణంగా నీటి ప్రవాహ సామర్థ్యం తగ్గినట్లు హైడ్రా తెలిపింది. నాలా వెడల్పు కొన్ని చోట్ల గణనీయంగా తగ్గిపోవడంతో ఆక్రమణలను గుర్తించి తొలగించాలని కమిషనర్ ఏ.వీ. రంగనాథ్ ఆదేశించారు. పారిశ్రామిక యూనిట్ల యజమానులతో సమావేశం నిర్వహించి సమస్యకు శాశ్వత పరిష్కారం చూపేందుకు చర్యలు తీసుకోనున్నారు.
