భారత్‌లో హౌసింగ్ నిర్మాణ రంగం వేగంగా విస్తరిస్తోంది. CREDAI–Anarock నివేదిక ప్రకారం, 2025లో దేశంలోని నిర్మాణంలో ఉన్న నివాస ప్రాజెక్టుల విలువ 430 బిలియన్ డాలర్లకు చేరింది. 2019లో ఇది 235 బిలియన్ డాలర్లుగా ఉండగా, దాదాపు రెట్టింపైంది. కొవిడ్ తర్వాత పెరిగిన గృహ డిమాండ్ ఈ వృద్ధికి ప్రధాన కారణంగా నివేదిక పేర్కొంది. నివాస రంగం మొత్తం 503 బిలియన్ డాలర్ల రియల్ ఎస్టేట్ నిర్మాణ పైప్‌లైన్‌లో 85 శాతం వాటాను కలిగి ఉంది. 2009లో దేశవ్యాప్తంగా నిర్మాణంలో ఉన్న రియల్ ఎస్టేట్ విలువ 94 బిలియన్ డాలర్లు కాగా, 2025లో అది 503 బిలియన్ డాలర్లకు పెరిగింది.
