ఆంధ్రప్రదేశ్‌లో భారీ మౌలిక వసతుల ప్రాజెక్టుకు కేంద్రం ఆమోదం తెలిపింది. సుమారు ₹32,000 కోట్ల అంచనా వ్యయంతో గ్రీన్‌ఫీల్డ్ జాతీయ రహదారి నిర్మించనున్నారు. పశ్చిమ బెంగాల్‌లోని ఖరగ్‌పూర్ నుంచి అమరావతి వరకు ఈ హైవే నిర్మాణం చేపట్టనుండగా, మొత్తం పొడవు 1,107 కి.మీ.గా ఉండనుంది. ఇందులో సుమారు 457 కి.మీ. ఏపీలో, దాదాపు 200 కి.మీ. అల్లూరి సీతారామరాజు జిల్లాలో ఉంటుంది. అరకు, పాడేరు, చింతపల్లి, కొయ్యూరు తదితర గిరిజన ప్రాంతాలను కలుపుతూ ఈ మార్గం సాగుతుంది. ప్రాజెక్టుతో ప్రయాణ సమయం తగ్గడంతో పాటు గిరిజన ప్రాంతాల్లో కనెక్టివిటీ, వాణిజ్యం, ఆర్థికాభివృద్ధి మెరుగుపడే అవకాశం ఉంది.
