ప్రభుత్వం కేటాయించిన భూమిపై వివాహమైన కుమార్తెకు వారసత్వ హక్కు ఉంటుందా? దీనిపై హిమాచల్ ప్రదేశ్ హైకోర్టు కీలక తీర్పు ఇచ్చింది. కేవలం వివాహమైందనే కారణంతో కుమార్తెను వారసత్వ హక్కు నుంచి తప్పించలేమని కోర్టు స్పష్టం చేసింది. హిందూ వారసత్వ చట్టం ప్రకారం కుమార్తె Class-I చట్టబద్ధ వారసురాలిగా ఉండవచ్చని పేర్కొంది. ప్రభుత్వ భూమి కేటాయింపుకు సంబంధించిన నిబంధనల్లో వివాహిత కుమార్తెలను స్పష్టంగా అనర్హులుగా పేర్కొనకపోతే, కేవలం ప్రభుత్వ ఉత్తర్వులు లేదా వివరణల ఆధారంగా వారి హక్కును నిరాకరించలేమని తెలిపింది. అయితే ప్రతి ప్రభుత్వ భూమికి ఆటోమేటిక్‌గా హక్కు లభించదు. సంబంధిత భూమి నిబంధనలు, కేటాయింపు షరతులు, వారసత్వ చట్టాలను పరిశీలించాల్సి ఉంటుంది.
