-
అమెరికాలో మార్ట్గేజ్ రేట్లు మూడేళ్ల గరిష్ఠానికి
అమెరికాలో మార్ట్గేజ్ రేట్లు దాదాపు మూడేళ్ల గరిష్ఠ స్థాయికి చేరాయి. అక్టోబర్ 2తో ముగిసిన వారానికి 30 ఏళ్ల ఫిక్స్‌డ్ మార్ట్గేజ్ రేటు 19 బేసిస్ పాయింట్లు పెరిగి 7.49% కి చేరింది. దీంతో కొత్త హోమ్ లోన్ దరఖాస్తులు వారానికి 4.2% తగ్గి, ఫిబ్రవరి 2025 తర్వాత కనిష్ఠ స్థాయికి చేరాయి. అధిక రుణ వ్యయాల కారణంగా ఇళ్ల కొనుగోలుదారులు వెనుకడుగు వేస్తుండగా, రీఫైనాన్సింగ్‌కు కూడా ఆసక్తి తగ్గుతోంది. అమెరికా 10 ఏళ్ల ట్రెజరీ బాండ్ రాబడులు, ద్రవ్యోల్బణం, పెరుగుతున్న చమురు ధరలు మార్ట్గేజ్ రేట్లపై ఒత్తిడి పెంచుతున్నాయి.
-
యూరప్‌లో ఇళ్ల ధరలకు భారీ పెరుగుదల
యూరప్‌లో ఇళ్ల ధరలు వరుసగా పెరుగుతున్నాయి. 2026 రెండో త్రైమాసికంలో యూరోపియన్ యూనియన్‌లో గృహ ధరలు ఏడాది ప్రాతిపదికన 4.7% పెరిగాయి.పోర్చుగల్‌లో అత్యధికంగా 16.5%, బల్గేరియాలో 15.5%, లిథువేనియాలో 14.3% ధరలు పెరిగాయి. స్పెయిన్‌లో 12.1%, క్రొయేషియాలో 12.7% వృద్ధి నమోదైంది. మరోవైపు ఫిన్లాండ్‌లో 2.7%, లక్సెంబర్గ్‌లో 2.2%, ఫ్రాన్స్‌లో 0.8% ధరలు తగ్గాయి. నివాసాల కొరత, పెరుగుతున్న ఆదాయాలు, విదేశీ పెట్టుబడులు, నిర్మాణ వ్యయాలు, మారుతున్న మార్ట్గేజ్ పరిస్థితులు ధరల పెరుగుదలకు ప్రధాన కారణాలుగా ఉన్నాయి.
-
పెరుగుతున్న మార్ట్గేజ్ రేట్లు.. రియల్ ఎస్టేట్ ఏజెంట్లపై ప్రభావం
అమెరికా రియల్ ఎస్టేట్ మార్కెట్‌పై పెరుగుతున్న మార్ట్గేజ్ వడ్డీ రేట్ల ప్రభావం స్పష్టంగా కనిపిస్తోంది. 30 ఏళ్ల ఫిక్స్‌డ్ మార్ట్గేజ్ రేటు 7.28 శాతానికి చేరుకోవడంతో గృహ రుణాల వ్యయం మరింత పెరిగింది. దీంతో ఇళ్ల కొనుగోలుపై ఆసక్తి తగ్గి, రియల్ ఎస్టేట్ ఏజెంట్లకు లావాదేవీలు నిర్వహించడం సవాలుగా మారుతోంది.అధిక వడ్డీ రేట్ల కారణంగా నెలవారీ రుణ చెల్లింపులు పెరగడంతో పలువురు కొనుగోలుదారులు నిర్ణయాలను వాయిదా వేస్తున్నారు. మరోవైపు, అమ్మకందారులు ధరల సవరణలు, అదనపు మార్కెటింగ్ వంటి మార్గాలను అనుసరిస్తున్నారు.మార్ట్గేజ్ రేట్ల పెరుగుదల కొనసాగితే అమెరికా హౌసింగ్ మార్కెట్‌లో కొనుగోలు డిమాండ్, ఏజెంట్ల కార్యకలాపాలపై మరింత ప్రభావం ఉండే అవకాశం ఉంది.
-
లండన్ రియల్ ఎస్టేట్‌లో కొత్త మార్పులు
లండన్ రియల్ ఎస్టేట్ మార్కెట్ ప్రపంచ ప్రాపర్టీ రంగానికి కీలక ఉదాహరణగా నిలుస్తోంది. ఐక్యరాజ్యసమితి (UN)తో నగరానికి ఉన్న చారిత్రక సంబంధాలు, పాత భవనాలను ఆధునిక అవసరాలకు అనుగుణంగా మార్చడం లండన్ ప్రత్యేకతను చూపుతున్నాయి. ప్రస్తుతం అధిక ఫైనాన్సింగ్ ఖర్చులు, మారుతున్న కొనుగోలుదారుల ప్రవర్తన, పన్నులు, వర్క్‌ప్లేస్ మార్పులు వంటి అంశాలు మార్కెట్‌పై ప్రభావం చూపుతున్నాయి. అదే సమయంలో టెక్నాలజీ, AI, సుస్థిర అభివృద్ధికి సంబంధించిన కమర్షియల్ ప్రాపర్టీలకు డిమాండ్ పెరుగుతోంది. శ్రవణ్ గుప్తా–MGF దృక్కోణంలో భవిష్యత్ రియల్ ఎస్టేట్ కేవలం భవనాల నిర్మాణానికే పరిమితం కాకుండా మౌలిక వసతులు, సస్టైనబిలిటీ, టెక్నాలజీ, కనెక్టివిటీతో కూడిన సమగ్ర అర్బన్ ఎకోసిస్టమ్‌గా అభివృద్ధి చెందాలి.
-
భారతీయులకు జాంజిబార్ రియల్ ఎస్టేట్ అవకాశాలు.. హైదరాబాద్‌ పెట్టుబడిదారులపై ఫోకస్
భారతీయ కొనుగోలుదారులకు అంతర్జాతీయ రియల్ ఎస్టేట్ అవకాశాలను పరిచయం చేసేందుకు ఫ్లోటాన్ ఆఫ్రికా లిమిటెడ్ ప్రత్యేక కార్యక్రమాలను నిర్వహిస్తోంది. ముఖ్యంగా హైదరాబాద్‌, తెలంగాణకు చెందిన పెట్టుబడిదారులకు జాంజిబార్ రియల్ ఎస్టేట్, హాలిడే హోమ్స్, లైఫ్‌స్టైల్ లివింగ్, పెట్టుబడి అవకాశాలను సంస్థ పరిచయం చేస్తోంది.హిందూ మహాసముద్రంలోని అందమైన దీవుల్లో జాంజిబార్ ఒకటి. భారత్‌ నుంచి సుమారు 8 నుంచి 10 గంటల ప్రయాణ దూరంలో ఉన్న ఈ ప్రాంతంలో పర్యాటక రంగంతో పాటు రియల్ ఎస్టేట్ అభివృద్ధికి కూడా అవకాశాలు పెరుగుతున్నాయని ఫ్లోటాన్ ఆఫ్రికా ప్రతినిధులు తెలిపారు.తీరప్రాంత జీవనశైలికి అనుగుణంగా ఆధునిక నివాసాలు, హాలిడే హోమ్స్, లగ్జరీ ప్రాపర్టీలతో పాటు పెట్టుబడిదారులకు వివిధ రియల్ ఎస్టేట్ అవకాశాలను అందిస్తున్నట్లు సంస్థ పేర్కొంది.తెలంగాణకు చెందిన పారిశ్రామికవేత్త సప్నా బ్రహ్మరౌతు భారతీయ కొనుగోలుదారులకు జాంజిబార్ రియల్ ఎస్టేట్ అవకాశాలను పరిచయం చేయడంలో కీలక పాత్ర పోషిస్తున్నట్లు సంస్థ తెలిపింది. టాంజానియా, జాంజిబార్ ప్రాంతాల్లో రియల్ ఎస్టేట్,…
-
జపాన్‌లో భూకంప నిరోధక టెక్నాలజీ.. ఇల్లు నేలపై నుంచి లేచేలా!
భూకంపాలు తరచుగా సంభవించే జపాన్‌లో ఇళ్లను రక్షించేందుకు కొత్త సాంకేతికతను అభివృద్ధి చేస్తున్నారు. ఇప్పటికే బేస్ ఐసోలేషన్, షాక్ అబ్జార్బర్లు, ప్రత్యేక పునాది నిర్మాణాలు వంటి టెక్నాలజీలను ఉపయోగిస్తున్నారు. తాజాగా భూకంపం వచ్చినప్పుడు ఇల్లు నేల నుంచి పైకి లేచేలా చేసే సరికొత్త విధానం అందుబాటులోకి వచ్చింది. ఈ టెక్నాలజీలో సెన్సార్లు భూకంపం ప్రారంభాన్ని గుర్తిస్తాయి. ముఖ్యంగా P-వేవ్స్‌ను గుర్తించిన వెంటనే ప్రత్యేక వ్యవస్థ పనిచేసి ఇంటిని నేల నుంచి కొంత ఎత్తుకు లేపుతుంది. దీంతో భూమి కంపించినా భవనం నేరుగా ఆ కదలికలకు గురికాకుండా రక్షణ పొందుతుంది. భూకంపాల వల్ల ఇళ్లకు కలిగే నష్టాన్ని తగ్గించడంతో పాటు, ప్రజల భద్రతను పెంచేందుకు ఈ టెక్నాలజీ ఉపయోగపడుతుందని నిపుణులు చెబుతున్నారు.
-
అబుదాబి రియల్ ఎస్టేట్ మార్కెట్‌కు పెరుగుతున్న పారదర్శకత
అబుదాబి రియల్ ఎస్టేట్ మార్కెట్ పారదర్శకతలో గణనీయమైన పురోగతి సాధించింది. JLL 2026 గ్లోబల్ రియల్ ఎస్టేట్ ట్రాన్స్‌పరెన్సీ ఇండెక్స్ ప్రకారం, ప్రపంచంలో అత్యంత మెరుగైన రియల్ ఎస్టేట్ మార్కెట్‌గా అబుదాబి గుర్తింపు పొందింది. 2024లో 41వ స్థానంలో ఉన్న అబుదాబి, 2026లో 33వ స్థానానికి చేరింది. మార్కెట్‌లో ప్రాపర్టీ డేటా అందుబాటును పెంచేందుకు అబుదాబి రియల్ ఎస్టేట్ సెంటర్ (ADREC) పబ్లిక్ మార్కెట్ డ్యాష్‌బోర్డులు, ఇంటరాక్టివ్ మ్యాప్స్, ఓపెన్ APIs వంటి చర్యలు చేపట్టింది. 2030 నాటికి ప్రపంచంలోని టాప్-25 పారదర్శక రియల్ ఎస్టేట్ మార్కెట్లలో స్థానం సాధించాలనే లక్ష్యాన్ని ADREC పెట్టుకుంది. అయితే డేటా సెంటర్లు, లైఫ్ సైన్సెస్, స్టూడెంట్ హౌసింగ్ వంటి రంగాల్లో మరింత సమాచారం అందుబాటులోకి రావాల్సి ఉంది.
-
టేలర్ స్విఫ్ట్ మాజీ భవనం అమ్మకానికి.. ధర ఎంతో తెలుసా?
ప్రముఖ గాయని టేలర్ స్విఫ్ట్ గతంలో నివసించిన బెవర్లీ హిల్స్‌లోని చారిత్రక పిల్స్‌బరీ ఎస్టేట్ ప్రస్తుతం అమ్మకానికి వచ్చింది. 2011లో ఈ 1.5 ఎకరాల ప్రాపర్టీని కొనుగోలు చేసిన స్విఫ్ట్.. ఇక్కడే తన ప్రముఖ ఆల్బమ్ 1989 కు సంబంధించిన పాటలను రూపొందించారు. ప్రస్తుతం ఈ ఎస్టేట్‌ను $7.995 మిలియన్లకు (సుమారు రూ.66 కోట్లకు పైగా) విక్రయానికి ఉంచారు. నాలుగు బెడ్‌రూమ్‌లు, ఐదు బాత్‌రూమ్‌లు ఉన్న ఈ ప్రాపర్టీలో ప్రధాన ఇల్లు, గెస్ట్ హౌస్, ఎనిమిది కార్ల పార్కింగ్ స్థలం, పచ్చని ఓక్ చెట్లు, పికిల్‌బాల్ కోర్టు ఉన్నాయి. 2018లో స్విఫ్ట్ నుంచి కొనుగోలు చేసిన ప్రస్తుత యజమానులు భవనానికి భారీగా ఆధునికీకరణ పనులు చేపట్టారు.
-
టెన్నిస్ వదిలి రియల్ ఎస్టేట్‌లోకి.. $500తో ప్రారంభించి రూ.100 కోట్ల ఆస్తులు!
డొమినికన్ రిపబ్లిక్‌కు చెందిన మాజీ ప్రొఫెషనల్ టెన్నిస్ ప్లేయర్ ఆండ్రెస్ బెర్నాల్ తన కెరీర్‌ను రియల్ ఎస్టేట్ వైపు మళ్లించి భారీ ఆస్తులు సంపాదించాడు. అమెరికాకు కేవలం 500 డాలర్లతో వచ్చిన బెర్నాల్.. రెండేళ్లు ప్రొఫెషనల్ టెన్నిస్ ఆడిన తర్వాత కోచ్‌గా పనిచేశాడు. ఆర్థిక స్వాతంత్ర్యం కోసం రియల్ ఎస్టేట్‌లోకి అడుగుపెట్టిన ఆయన, 2016లో తొలి ప్రాపర్టీ కొనుగోలు చేశాడు. ప్రస్తుతం అమెరికాలోని కనెక్టికట్‌లో 60కి పైగా రెంటల్ యూనిట్లు, ఇందులో మల్టీఫ్యామిలీ ఇళ్లు, డ్యూప్లెక్స్‌లు, సింగిల్-ఫ్యామిలీ ప్రాపర్టీలు ఉన్నాయి. స్టూడెంట్ రెంటల్స్‌తో పాటు 22 సెక్షన్-8 యూనిట్లను కూడా నిర్వహిస్తున్నాడు. 2024-25 మధ్య 50కి పైగా ప్రాపర్టీలను ఫ్లిప్ చేసిన బెర్నాల్ ఆస్తుల విలువ 12 మిలియన్ డాలర్లకు పైగా (సుమారు రూ.100 కోట్లు) ఉన్నట్లు కథనాలు పేర్కొంటున్నాయి.చిన్న పెట్టుబడితో ప్రారంభించి రియల్ ఎస్టేట్‌లో భారీ సంపద సృష్టించిన ఈ ప్రయాణం ఆసక్తిని రేకెత్తిస్తోంది.
-
NRI నుంచి ప్రాపర్టీ కొనుగోలు మరింత సులభం.. అక్టోబర్ 1 నుంచి కొత్త రూల్స్
NRI నుంచి ప్రాపర్టీ కొనుగోలు చేసే భారతీయ రెసిడెంట్ వ్యక్తులు, HUFలకు అక్టోబర్ 1, 2026 నుంచి TDS నిబంధనలు సులభతరం కానున్నాయి. ఇప్పటివరకు TDS కోసం ప్రత్యేకంగా TAN తీసుకోవాల్సి ఉండగా, ఇకపై తమ PANతోనే TDS చెల్లింపు, రిపోర్టింగ్ చేయవచ్చు. ఇందుకోసం సవరించిన Form 141లో కొత్త Schedule Eను ఉపయోగించాలి. అయితే NRIకి ప్రాపర్టీ కొనుగోలుపై TDS మినహాయింపు మాత్రం ఉండదు. కొనుగోలుదారు వర్తించే TDSను కట్ చేసి ప్రభుత్వానికి జమ చేయాలి. అనంతరం NRI విక్రేతకు Form 132 TDS సర్టిఫికెట్ ఇవ్వాలి. కొత్త విధానంతో ప్రాపర్టీ కొనుగోలుదారులకు TAN తీసుకునే అదనపు ప్రక్రియ తగ్గనుంది.
