అమరావతి అభివృద్ధిపై కీలక నిర్ణయాలు

అమరావతి అభివృద్ధిపై 66వ CRDA అథారిటీ సమావేశంలో పలు కీలక నిర్ణయాలు తీసుకున్నారు. అసెంబ్లీ భవనంపై 250 మీటర్ల స్పియర్ టవర్, లిఫ్టుల నిర్మాణానికి రూ.661 కోట్లు కేటాయించారు. 29 గ్రామాల్లో LPS జోన్ల మౌలిక వసతుల అభివృద్ధికి రూ.1,548 కోట్ల టెండర్లకు ఆమోదం తెలిపారు. రెండో దశ భూ సమీకరణలో ఎకరాలోపు భూమి ఉన్న రైతులకు వార్షిక పరిహారం చెల్లింపులు కొనసాగించే ప్రతిపాదన చేశారు. విజయవాడ, గుంటూరు, మంగళగిరి, తాడేపల్లి ప్రాంతాలను అనుసంధానించే సమగ్ర ప్రజా రవాణా ప్రణాళికను రూపొందించాలని ఆదేశించారు. అమరావతిని మెగా సిటీగా అభివృద్ధి చేయడంతో పాటు 50% పచ్చదనం, జీవవైవిధ్యం ఉండేలా ప్రణాళిక రూపొందించాలని సూచించారు.