వరంగల్‌ను అన్ని రంగాల్లో అభివృద్ధి చేసేందుకు తెలంగాణ ప్రభుత్వం పలు కీలక ప్రాజెక్టులపై దృష్టి సారించింది. సీఎం రేవంత్ రెడ్డి ఆధ్వర్యంలో జరిగిన సమీక్షల్లో సూపర్ స్పెషాలిటీ ఆసుపత్రి, అండర్‌గ్రౌండ్ డ్రైనేజీ, టెంపుల్ & ఫారెస్ట్ టూరిజం, ఎయిర్‌పోర్ట్ రోడ్ కనెక్టివిటీ, ఆధునిక బస్ టెర్మినల్, ఔటర్ రింగ్ రోడ్డు వంటి అంశాలపై చర్చించారు.వరంగల్‌లో 2,000 పడకల టిమ్స్ సూపర్ స్పెషాలిటీ ఆసుపత్రిని అందుబాటులోకి తీసుకురావాలని ప్రభుత్వం పేర్కొంది. అలాగే మామునూరు విమానాశ్రయ పనులను వేగవంతం చేసేందుకు చర్యలు కొనసాగుతున్నాయి.
