ఆంధ్రప్రదేశ్‌లోని అమరావతి, తిరుపతి ఆర్థిక ప్రాంతాల అభివృద్ధికి మాస్టర్ ప్లాన్ సిద్ధం చేయాలని ప్రభుత్వం నిర్ణయించింది. ఆరు నెలల్లోగా మాస్టర్ ప్లాన్‌లను రూపొందించాలని అధికారులను ఆదేశించారు. ప్రజాప్రతినిధులు, ప్రజల అభిప్రాయాలను తీసుకున్న తర్వాత ప్రణాళికలను ఖరారు చేయనున్నారు. అమరావతి ప్రాంతంలో ఆక్వాకల్చర్, పామాయిల్, కోకో వంటి రంగాలకు ప్రాధాన్యం ఇవ్వడంతో పాటు మౌలిక వసతుల అభివృద్ధిపై దృష్టి పెట్టనున్నారు. తిరుపతి ఆర్థిక ప్రాంతంలో ఉద్యానవనం, ఫుడ్ ప్రాసెసింగ్, పర్యాటకం, ఏరోస్పేస్, ఎలక్ట్రానిక్స్ తదితర రంగాలకు ప్రాధాన్యం ఇవ్వనున్నారు. ఈ ప్రణాళికలు ప్రాంతీయ అభివృద్ధికి దిశానిర్దేశం చేయనున్నాయి.
