హైదరాబాద్ ఫ్యూచర్ సిటీ అభివృద్ధికి మరో కీలక ముందడుగు పడింది. ఫ్యూచర్ సిటీ పరిసరాల్లో పారిశ్రామిక, వాణిజ్య కార్యకలాపాలు పెరగనున్న నేపథ్యంలో భారీ వాహనాల రాకపోకలకు ప్రత్యేక రహదారి ఏర్పాటు చేయనున్నారు. ఈ కొత్త రూట్ ద్వారా నగరంలోని ప్రధాన రహదారులపై ట్రాఫిక్‌ ఒత్తిడి తగ్గడంతో పాటు, పరిశ్రమలకు సరుకు రవాణా మరింత సులభతరం కానుంది.ఫ్యూచర్ సిటీ, పారిశ్రామిక ప్రాంతాలు, లాజిస్టిక్స్‌ హబ్‌ల మధ్య మెరుగైన కనెక్టివిటీ కల్పించడమే ఈ రహదారి ప్రధాన లక్ష్యంగా ఉంది. భారీ వాహనాలను ప్రత్యేక మార్గంలో మళ్లించడం ద్వారా నగర ట్రాఫిక్‌ నిర్వహణకు కూడా ప్రయోజనం కలగనుంది. భవిష్యత్‌లో పెట్టుబడులు, పరిశ్రమలు, ఉపాధి అవకాశాలు పెరగడానికి ఈ మౌలిక వసతులు కీలకంగా మారే అవకాశం ఉంది.
