హైదరాబాద్ రియల్ ఎస్టేట్‌లో కీలక మార్పు చోటుచేసుకుంది. 2026 తొలి అర్ధభాగంలో అమ్ముడుపోని ఇళ్ల సంఖ్య 21 శాతం పెరిగి 1,42,722 యూనిట్లకు చేరింది. కొత్త ఇళ్ల నిర్మాణం, లాంచ్‌లు వేగంగా పెరగడం, అమ్మకాలు తగ్గడం ఇందుకు ప్రధాన కారణాలుగా నివేదికలు సూచిస్తున్నాయి. ఈ కాలంలో డెవలపర్లు 49,656 ఇళ్లను ప్రారంభించగా, 26,068 యూనిట్లు మాత్రమే అమ్ముడయ్యాయి. దీంతో హౌసింగ్ ఇన్వెంటరీ ఓవర్‌హ్యాంగ్ సుమారు 29 నెలలకు చేరింది. అమ్ముడుపోని ఇళ్లలో దాదాపు సగం రూ.1.5 కోట్లకు పైగా ధర కలిగినవే. మరోవైపు, 2026లో అందుబాటులోకి రానున్న ఇళ్లు మొత్తం స్టాక్‌లో కేవలం 21 శాతమే. హైదరాబాద్ రియల్ ఎస్టేట్ మార్కెట్‌లో ఇన్వెంటరీ నిర్వహణ కీలకంగా మారనుంది.
