భారత రియల్ ఎస్టేట్ మార్కెట్‌లో ముంబై మెట్రోపాలిటన్ రీజియన్ (MMR) కీలక స్థానాన్ని కొనసాగించింది. CREDAI–ANAROCK నివేదిక ప్రకారం, FY26లో దేశంలోని టాప్-9 నగరాల్లో నమోదైన రూ.6.3 లక్షల కోట్ల నివాస ప్రాపర్టీ అమ్మకాల విలువలో MMR ఏకంగా 34% వాటాను సాధించింది. ఢిల్లీ-NCR 22%, బెంగళూరు 15% వాటాతో తర్వాతి స్థానాల్లో ఉన్నాయి.దేశంలో నిర్మాణంలో ఉన్న హౌసింగ్ ప్రాజెక్టుల విలువ 2025లో 430 బిలియన్ డాలర్లకు చేరింది. ఇదే సమయంలో ప్రీమియం, లగ్జరీ, అల్ట్రా-లగ్జరీ ఇళ్లకు డిమాండ్ పెరుగుతోంది. FY22లో 12.6%గా ఉన్న ఈ విభాగాల కొత్త సరఫరా వాటా FY26 నాటికి 45%కి పెరిగినట్లు నివేదిక వెల్లడించింది.
