రేరా రిజిస్ట్రేషన్ పూర్తికాకముందే ప్రాజెక్టుల్లో బుకింగ్స్ చేపట్టినందుకు జనప్రియ ప్రాజెక్ట్స్‌కు అధికారులు రూ.32.17 లక్షల జరిమానా విధించారు. రియల్ ఎస్టేట్ ప్రాజెక్టులను రేరా నిబంధనలకు అనుగుణంగా నమోదు చేసిన తర్వాతే విక్రయాలు, బుకింగ్స్ చేపట్టాల్సి ఉంటుంది. అయితే రిజిస్ట్రేషన్‌కు ముందే బుకింగ్స్ నిర్వహించినట్లు గుర్తించడంతో సంబంధిత సంస్థపై చర్యలు తీసుకున్నట్లు సమాచారం. ఈ ఘటనతో హైదరాబాద్ రియల్ ఎస్టేట్ రంగంలో RERA నిబంధనల అమలు, ప్రాజెక్ట్ రిజిస్ట్రేషన్ ప్రాధాన్యత మరోసారి చర్చనీయాంశమైంది. కొనుగోలుదారులు ప్రాజెక్ట్ రేరా రిజిస్ట్రేషన్ వివరాలను పరిశీలించిన తర్వాతే బుకింగ్ చేసుకోవాలని నిపుణులు సూచిస్తున్నారు.
