రియల్ ఎస్టేట్ రంగంలో RERA అమలుతో పారదర్శకత, నమ్మకం పెరిగాయని CREDAI-NCR అధ్యక్షుడు విశాల్ గుప్తా తెలిపారు. అయితే, ఇళ్ల ధరలు అందుబాటులో ఉండాలంటే అనుమతుల్లో జాప్యం, రెగ్యులేటరీ కంప్లయన్స్, పన్నుల భారాన్ని తగ్గించాల్సిన అవసరం ఉందన్నారు. ముఖ్యంగా బిల్డింగ్ ప్లాన్ అనుమతులు, RERA రిజిస్ట్రేషన్లలో ఆలస్యం, హౌసింగ్ ప్రాజెక్టుల వ్యయాన్ని పెంచుతోందని పేర్కొన్నారు. అలాగే నైపుణ్యం కలిగిన కార్మికులు, నాణ్యమైన కాంట్రాక్టర్ల కొరతతో నిర్మాణ ఖర్చులు పెరుగుతున్నాయని తెలిపారు. చౌకైన మూలధనం, భూమి లభ్యత, సులభమైన వ్యాపార విధానాలు పెరిగితే అఫోర్డబుల్ హౌసింగ్ సరఫరా మెరుగుపడుతుందని గుప్తా అన్నారు.
