2047 నాటికి భారత GDPలో రియల్ ఎస్టేట్ వాటా 20 శాతానికి చేరొచ్చు

న్యూఢిల్లీ: 2047 నాటికి భారత GDPలో రియల్ ఎస్టేట్ రంగం వాటా 15-20 శాతానికి పెరగొచ్చని Knight Frank సీనియర్ ఎగ్జిక్యూటివ్ డైరెక్టర్ గులామ్ జియా తెలిపారు. ప్రస్తుతం ఈ రంగం సుమారు 8-9 శాతం GDPకి, దాదాపు 600 బిలియన్ డాలర్ల విలువకు చేరిందన్నారు. ఆర్థిక వ్యవస్థ విస్తరణతో 2047 నాటికి భారత రియల్ ఎస్టేట్ మార్కెట్ 8-10 ట్రిలియన్ డాలర్లకు చేరే అవకాశం ఉందని చెప్పారు. అయితే అందుబాటు ధరల గృహాలు, మూలధన లభ్యత ప్రధాన సవాళ్లుగా ఉన్నాయని పేర్కొన్నారు. మరోవైపు ఆఫీస్ స్పేస్, GCCలు, వేర్‌హౌసింగ్, లాజిస్టిక్స్, విద్య, ఆరోగ్య రంగాల్లో రియల్ ఎస్టేట్ డిమాండ్ పెరుగుతోందన్నారు.